我們的十週年日本結婚之旅

本身安排了14/1-21/1去名古屋再落大阪,

機票已經買好酒店已經訂好行程已經安排好,

因為老公突然要轉新工的關係,

所有事一切打亂了,

突如其來的震撼,

令我有幾日十分十分唔開心,

因日本之旅一早安排好,

用了8-9個月時間去計劃,

因為新工關係要取消,

真的真的不能接受,

因新工必須10/1返工,

所以老婆忍痛取消所有酒店,

本身有一間酒店不能取消,

但誤打誤撞的關係,

就算取消也沒有費用,

真的十分十分好彩....

舊公司最後上班日期到3/1,

所以我們臨時買一套新package到大阪及京都,

雖然價錢比原來貴左好多及時間少了3日,

但為了可以結婚十週年去一轉日本,

我們都決定起行,

最近出發日期5/1-9/1...

5/1我們乘坐CX502機,

下午4:35出發到達日本已經晚上9點鐘,

第一天就只可以食個晚飯再回酒店抖,

第二日一早起身準備過京都,

真的非常非常期待~~

我的遊蹤

                                                           

                                                  由上年7月開始到今年

                                  d旅行好似未停過一樣
                 
                                2013年7月去咗8日長灘島

                                  2013年8月去咗5日曼谷

                                    2014年1月去咗5日台中

                                    2014年3月去咗4日華欣

                                   2014年6月去咗6日宿霧

                                   2014年7月去咗4日台北

                                     今年已經無得再去了,

                           出年就係我好期待既日本同沙巴~~

                                    2015年快dddddddd到啦!!!

      其實未去呢幾個地方之前都係不停去泰國、泰國、同泰國

                         師奶Kelly已經去左7次泰國同4次台灣

                                          菲律賓都去左2次喇

                                但係日本竟然一次都未去過

                          所以我地決定出年1月會去一次日本

                             Japan ~~~We are coming!!
          

帝景酒店buffet

2013年10月5日  晴

今日我地一早起左身,

拿拿聲整裝待發,

我地去邊度???????????

我地去左大嶼山呀,

無啦啦做咩要去大嶼山呢??

因為我地想去睇大佛,

呼吸一下新鮮既空氣,

同埋洗滌一下心靈,

撞岩果日係初一,

我同老公都打算食斎,

但點知我家大小姐 - 晴晴話要食烏冬,

我地就去左日昂平360市集食左一個大家都覺得普通既烏冬,

3碗埋單$200,

其實係果度食真係唔算貴,

我地仲買左幾隻招財貓係公司/屋企擺添,

我就好鍾意喇~~~~~

平時唔行樓梯既師奶Kelly,

真係好辛苦好辛苦先可以行到上大佛頂,

落番黎果陣隻腳軟曬、無力、心煩...

拜埋神就過大澳,

原來星期六係大佛過大澳每個鐘得1班車,

大家記得睇清楚,

如果唔係有排等呀!!!!

我地好好彩,

去到2:10pm,

有班2:20pm既車,

上到去都仲有幾個單丁位比我地坐下,

之後到達大澳第一時間我地就去左坐船睇

"中華白海豚"

之前我同老公都坐過1,2次,

不過都睇唔到,

今日帶住晴晴返而睇到好多"中華白海豚"

個timing真係好good,

我仲拍左條片添呀~~~~~~

我地行左一陣食埋碗豆腐花同涼粉又要準備起程喇,

要返去東涌轉車去荃灣,

因為荃灣地鐵站有free shuttle bus入帝景酒店,

我之前係團購買左幾張coupon,

同媽咪提早食生日buffet,

$286一位(星期六/日要加$30)

估唔到$316既buffet真係唔差,

d長腳蟹真係好好好好好大隻呀,

仲要好新鮮好好食,

仲要有虎蝦送添,

個虎蝦都係無得頂呀~~~~~~

連晴晴都食左好多野,

我家大小姐平時好奄尖架,

但而家對食方面真係進步不少,

呢餐我地個個都好滿意,

之後搭的士返屋企都係$70,

真係抵啦!!!!!

下次如果再有團購,

                                   我都會再幫襯~~~~

團購 - 皇家太平洋酒店Buffet

講起食師奶Kelly就精神,

師奶Kelly真係唔係食就訓一係上網搵平機票

如果唔係就無咩好做,

個個同事都問師奶Kelly,

點解可以成日搵到d平既機票?

早前Cebu Pacific推出$1機票,

又比師奶Kelly買左,

仲要打羅打鼓咁就周圍同人講,

好彩師奶朋友都一齊入左手,

咁就可以一齊飛啦!!!

不過朋友遲我10分鐘買,

去程變左$588回程就$1,

朋友都話已經好平,

所以無問題呀~~~~~yeah yeah yeah

講番今次團購先,

皇家太平洋酒店之前食過,

都覺得可以接受,

所以再買coupon食多次,

當中既凍盤有阿拉斯加長腳強、麵包蟹、青口、凍蝦...

都幾好食呀!!!!!

特別阿拉斯加長腳蟹真係一流無得頂呀,

熱盤都一般多選擇,

麵包有我最愛既Naan Bread,

真係very goodddddddd,

甜品我果次無食過,

不過選擇都蠻多,

同埋飲品有好多比你揀,

一定有一樣你會鍾意既,

另外雪榚都有3種牌子比你享受,

連加一每人大約$340,

真係唔知係邊度搵到咁平既buffet,

所以上個月食完一次之後,

大家都念念不忘,

今日再去同佢死過(d阿拉斯加長腳蟹)嘻嘻!!!

長灘島8日之行

無啦啦又跳左黎長灘島,

因為師奶Kelly想同大家分享一下長灘島既靚靚一面,

好多人聽到菲律賓呢個國家就唔會去呢個地方既旅行,

但師奶Kelly見到平機票,

同埋師奶原則係平就會買既關係,

所以決定到此一遊!!!!

我當日係搭Air Asia既機飛到Clark,

再由Clark==>Kalibo

再由Kalibo轉車到碼頭

再轉船入長灘島

經過飛機轉飛機再轉車同船...

海陸空比我同一日搭曬

到達長灘島已經係當日既晚上10點30分,

但師奶Kelly當日早上6點起身出發

咁辛苦!!!!!值唔值得???

1) 4程既機票只係$706 (已包tax)

2) 長灘島係被選為亞洲十大必去既其中一個沙灘

3) 長灘島靚既情度,用筆係唔能夠寫清楚比大家知道

4) 海鮮怪既我們,果度食海鮮真係又平又好食

5) 長灘島既浮潛真係無得頂

6) 長灘島租船去釣魚 / 浮潛真係抵到無野好講

7)長灘島既日出同日落真係靚到嘩嘩嘩聲

8) 長灘島既人真係十分有善

綜合總總以上既原因

師奶Kelly一定會再去呢個咁好玩既地方



一蘭拉麵

一蘭拉麵....一聽個及已經知道勁啦,

有日放假特登同老公去左試,

睇下係咪真係咁好味,

係咪排3個鐘都值得??

我果日係星期四,

到達大約11:40am左右,

我見條人龍都唔係好長,

所以我地決定排隊...等等等

其實老公唔係好想排咁耐隊為左試碗拉麵,

不過老婆點都唔肯走,

老公唯有乖乖部老婆慢慢排隊啦...

等等等...等等等...等等等...等等等...

等等等...等等等...等等等...等等等...

等等等...等等等...等等等...

等等等...等等等...

等等等...

終於輪到我地喇!!!!!

但係原來入到去仲要再等架...

等左大約1個鐘,

可以食喇!!!!!!好開心呀~~~~~

真係好好好好好味呀!!!!!

我加左隻溫泉蛋(好似加$15),

一蘭只係一款麵,

不過可以揀拉麵硬 / 適中 / 軟,

另外仲有油膩度都可以自己揀個岩自己口味既,

今次呢個拉麵無記錯好似大約$120,

我仲有加左叉燒添呀($20),

不過我覺得唔洗加都得,

根本都食唔曬d叉燒既~~~~

食飽飽就慢慢行過會展,

去埋一年一度既美食博覽會,

入到去好似咩都岩買咁,

3.6北海道牛奶買左2 pack 24盒,

有架車仔送添,

又買左d蜜糖零食......

買左都唔夠錢就走佬,

今日又食又買咁就過左一日,

時間過得好快,

又要比心機返工努力賺錢繼續實行師奶計劃!!!!!

泰國之旅

                                     嘩!!!!!!!!好耐都無咩打blog既我,今日忍唔住要打下blog先得喇,

                                     因為yahoo!blog close既關係,我開始備份緊舊既blog喇,果陣寫左

                                     好多關於我同晴晴既事,唔想咩都無曬,因為當年yahoo!相薄要

                                      拜拜果陣我唔記得去backup番d相,攪到我好多好珍貴既相都

                                     無左......當時真係嬲左成村人咁.......所以今次我一定要快快

                                      攪掂個backup先得~~~~~~費話唔好講咁多!!!講番正題先....


                                          17/7/2013-24/7/2013 

                                             我地去左Boracay玩左8日 

                                       另外22/8/2013-27/8/2013
                              
                                              我地去左Thailand玩左5日

                                                                 

飛機餐都幾好味喎

                                                               呢2個trip都好開心好好玩呀


                                                       如果想知更多有關長灘島既資料/遊記

                                                                可以到以下網址睇一睇,

                                                                          我雖然好懶

                                                   不過我都寫左個長灘島遊記同大家分享

                    http://forum.thailandfans.com/forum/viewthread.php?tid=121223&extra=page%3D1